Venjulegt kvöld.....

 Búin að horfa á Hljómskálann og breskan sakamálaþátt þar sem misfagrar konur eru í aðalhlutverki. Trúverðugir.

Lestina rak Criminal Minds....Fer í taugarnar á mér hvað allir eru flottir og ný "uppfærðir", þrátt fyrir það eru þetta góðir þættir.

Hanna Birna ætlar fram....Blendnar tilfinningar,...ég vil hafa hana í borginni, meiri þörf fyrir hana þar.


Framhald...

Hann gerir þá ekkert annað af sér á meðan.

Endemis vitleysa

 Hefur Össur ekkert annað við ofgreiddan vinnutíma sinn að gera,  en að velta sér upp úr málum Palestínu  ?????

þreytt þjóðmál.

Ég er að reyna að fylgjast með, en, það er erfitt þessa dagana.

Hef reyndar sannfærst enn frekar um vanhæfni Jóhönnu sem þjóðarleiðtoga.

Hún er greinilega " Out of date " 


Langt síðan síðast.

Ég mundi eitt augnablik eftir að ég er með Blog-síðu...eða þannig.

Lítið hefur breyst síðan ég leit hér inn síðast.

Endalaust þras....nema hvað elskulegur frændi minn er um það bil að verða borgarstjóri Smile

Ef hann stendur við kosningaloforðin á ég betri tíð í vændum.

En...eins og hann sagði réttilega, er ekkert "issjú" að standa við þau.

Verð nú samt að játa að ég hefði heldur viljað hafa Hönnu Birnu áfram og kaus hana.

Hún er flott dugleg og trúverðug.

En...Þetta getur orðið skemmtilegt kjörtímabil, en...ég er pínu kvíðin, vona að frændi láti ekki Dag hafa of mikil áhrif á sig. Hann er jú hálfgerður fýlupúki.

Svo er ég nú dálítið rasandi yfir honum Gulla...af hverju hættir hann ekki bara og játar sig sigraðan ?

Það gerir ekkert nema leiðindi að hanga inni á þingi með þetta orðspor.

Ég þyrfti allavega að hugsa mig um, ef það væru kosningar í nánd, þrátt fyrir íhaldshugsjónina.

Það fer að verða fátt um fína drætti í pólitíkinni ef maður vill skipta um skoðun, mér líst bara ekkert á þetta lið.


Sama tuggan.

Sem betur fer, hef ég haft öðrum og skemmtilegri hnöppum að hneppa síðan síðast.

Skroppið í heimsókn til dóttur, tengdasonar og barna barna, sem búa í öðru landi.....Svíþjóð, þar sem Ísland virðist ekki vera á lista.

Það var skrítið að koma heim aftur.

Ekkert hafði breyst, Icesave og allt bullið helltist yfir mann, nokkuð sem hafði gleymst í rólegheitunum í sveitinni í Svíaríki.

Tjaldferðalag um byggðir og óbyggðir Íslands, sem er greinilega " flottasta land í heimi "

Það mun lifa í minningunni hvað allt er hér upprunalegt og þægilegt.

Sé maður þannig þenkjandi, sem er mjög auðvelt, þegar komið er , eftir torfærum slóðum um landið okkar, sem er algjörlega einstakt.

Allavega mun minning mín um þvælingin  um jeppaslóða norðausturlands verða ógleymanleg.

 


Sammála Kjartani.

Ég hefði kosið Vinstri græn ef það hefði reynst eini flokkurinn sem ekki hafði ESB heilkennin, en....sem betur fer er Sjálfstæðisflokkurinn ósýktur, þannig að ég gat kosið hann enn og aftur.
mbl.is Fótbrotinn Sjálfstæðisflokkur
Tilkynna um óviðeigandi tengingu við frétt

Hvað nú ?

Þá eru kosningarnar afstaðnar, með öllu ESB farganinu, en það er eins og ekkert annað komist að !

Ég er ekki oft sammála Steingrími J., en þetta keyrir um þverbak.

Og auðvitað er ég ekki sátt við úrslitin, skil ekki fylgi Samfylkingarinnar, hefði frekar sætt mig við að Vinstri græn hefðu landað S fylginu, þá hefði verið smá von um að við værum laus við þessa ofurást á ESB.

En... Bjarni Benediktsson kom mér þægilega á óvart, ég hafði ekkert sérstaka trú á að hann væri formannsefni, en annað kom á daginn.

Ég er stolt af honum !

Yfirvegaður og kurteis í alla staði.

Tók þessu ótrúlega hruni af skynsemi og stappaði stálinu í sitt fólk.

Ég er nokkuð viss um að Sjálfstæðisflokkurinn nær sér á strik undir hans forystu.

 


Rólegheit og sveita rómantík.

Skelfing má argaþrasið í samfélaginu sín lítils, þegar komið er útfyrir borgarmörkin og í sveita rómantíkina.

Ég skrapp...að venju, í sveitina um helgina, að hlaða orkustöðvarnar og styrkja viðnám við leiðinda fréttum komandi viku.

Og þvílík andstæða, Lóan komin og  Stelkurinn og farin að kveðast á.

Músarindillinn og Steindepillinn byrjaðir að láta vita af sér, farnir að leita að hreiðurstæði, vonandi verður það nærri húsinu mínu.

Áin hamast, án afláts, með bráðnaðan snjóinn til sjávar og laukarnir mínir stinga upp kollinum, hver af öðrum.

Ég sagði við sjálfa mig, upphátt ! " Hvað ertu svo að væla ?"

 

 


Fokið í flest skjól.

Ég er alveg miður mín.

Sparisjóðurinn minn ekki til lengur, ég sem hef verið dyggur innleggjari og úttakari í SPRON, frá örófi.

Get engan veginn hugsað mér að eiga aurana mína hjá Kaupþingi, hvað þá að leita þangað, ef þörf krefur. Það er alveg óhugsandi.

 Þannig að nú þarf ég að finna mér nýjan bakhjarl.

Það er þá bara BYR, eða Sparisjóðurinn í sveitinni minni, sem sennilega verður endirinn.

Þetta er alveg ömurlegt.


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband